பத்தாம் வகுப்பு சிறப்புத் துணைத்தேர்வு எழுதிய மாணவர்களுக்கான
மதிப்பெண் சான்றிதழ் செப்டம்பர் 2-ஆம் தேதி முதல் விநியோகம்
செய்யப்படும் என அரசுத் தேர்வுகள் இயக்ககம் அறிவித்துள்ளது.
இதுதொடர்பாக அந்த இயக்ககம் வெளியிட்ட அறிவிப்பு:
பத்தாம் வகுப்பு சிறப்புத் துணைத்தேர்வு எழுதிய மாணவர்கள்
தற்காலிக மதிப்பெண் சான்றிதழ்களை ஜூலை 24 முதல்
இணையதளத்திலிருந்து பதிவிறக்கம் செய்துகொள்ளலாம்
என அறிவிக்கப்பட்டது.
இந்நிலையில், இந்த மாணவர்கள் தங்களுக்கான மதிப்பெண்
சான்றிதழ்களை செப்டம்பர் 2 முதல் 9-ஆம் தேதி வரை தேர்வு
மையங்களில் பெற்றுக்கொள்ளலாம்.
அதன் பிறகு, அரசுத் தேர்வுகள் மண்டலத் துணை இயக்குநர்
அலுவலகங்களில் இந்தச் சான்றிதழைப் பெற்றுக் கொள்ள
வேண்டும் எனவும் அறிவிக்கப்பட்டுள்ளது.
